ºÚÁϳԹÏÍø

Neidio i'r prif gynnwys Logo Cyngor Sir y Fflint

Alert Section

Gerbyd Wedi'i Adael

Beth y gellir rhoi gwybod i Gyngor Sir y Fflint amdano er mwyn ei archwilio?

  • Nid oes ganddo geidwad cofrestredig.
  • Mae wedi ei ddifrodi, wedi llosgi, wedi ei fandaleiddio, wedi dirywio neu os nad yw’n addas i’r ffordd fawr.
  • Mae’r rhif cofrestru ar goll.
  • Mae wedi bod yn llonydd ers amser sylweddol ar dir, yn yr awyr agored neu ar ffyrdd (gan gynnwys tir a ffyrdd preifat).
  • Gall carafán neu drelar hefyd gael ei ystyried fel cerbyd wedi ei adael.

Beth na ddylid ei adrodd fel cerbyd wedi’i adael? 

  • Os yw’r car wedi ei drethu fe all barcio’n gyfreithlon ar briffordd. Gallwch .
  • Os ydych yn credu ei fod yn achosi rhwystr/wedi ei barcio’n beryglus, rhowch wybod i Heddlu Gogledd Cymru drwy ffonio’r rhif nad yw’n rhif argyfwng sef 101, gan ddweud yn glir fod y cerbyd yn achosi rhwystr/wedi ei barcio’n beryglus.
  • Os yw’n hysbys pwy yw ceidwad y cerbyd ac nad yw wedi ei drethu neu os yw’r cerbyd ar Hysbysiad Oddi ar y Ffordd Statudol ond ei fod wedi i adael ar y briffordd, yna byddai angen .

Rhoi gwybod am gerbyd wedi ei adael

Rhowch gymaint o wybodaeth â phosibl am y cerbyd, gan gynnwys:

  • rhif cofrestru / gwneuthuriad / model
  • am ba hyd mae wedi ei adael yno
  • lleoliad
  • unrhyw luniau/fideos

Beth fydd yn digwydd nesaf

Os yw’r swyddog yn credu bod posibilrwydd bod cerbyd wedi’i adael, yna mae’r manylion cofrestru’n cael eu gwirio a byddwn yn derbyn manylion y perchennog cofrestredig diwethaf. 

Byddwn yn ceisio cysylltu â’r perchennog cofrestredig diwethaf drwy gnocio drws neu anfon llythyr ac efallai y byddwn yn rhoi rhybudd ar y cerbyd yn egluro y byddwn yn ystyried ei symud ar ôl cyfnod penodol o amser. 

Os nad yw unrhyw un yn cysylltu â ni fel perchennog y cerbyd, gallwn ei symud ar ôl i’r cyfnod rhybudd ddod i ben.  Os yw cerbyd yn cael ei symud neu ei hawlio gan y perchennog cofrestredig yn ystod y cyfnod hwn yna ni allwn ni gymryd unrhyw gamau pellach, os oes gan ein swyddogion unrhyw bryderon parhaus am y cerbyd yna mae modd rhoi gwybod i Heddlu Gogledd Cymru neu’r DVLA.

Mae gennym ddyletswydd gyfreithiol i sicrhau ein bod yn gwneud pob ymdrech i gysylltu â pherchennog cyfreithiol posibl y cerbyd. 

Os yw cerbyd mewn cyflwr a allai fod yn beryglus ar y briffordd neu’n anniogel ac nad oes manylion ar gyfer y perchennog cyfredol, byddem yn ystyried hyn fel risg iechyd a diogelwch a gellir symud y cerbyd heb rybudd.  Bydd unrhyw gerbydau sy’n cael eu symud heb rybudd yn cael eu hadrodd i Heddlu Gogledd Cymru. 

Os yw’r cerbyd ar dir preifat yna bydd gofyn i’r swyddog siarad â pherchennog y tir cyn gweithredu mewn unrhyw ffordd.