şÚÁĎłÔšĎÍř

Neidio i'r prif gynnwys Logo Cyngor Sir y Fflint

Alert Section

Newyddion Diweddaraf Cyngor Sir Y Fflint

Published: 14/12/2021

14.12 presents for press release Eng and Welsh.jpgWrth i ni agosĂĄu at dymor yr wyl, rydyn ni’n galw ar ein preswylwyr i ddal ati gyda’u hymdrechion ‘gwych’ i ailgylchu’r Nadolig hwn.ĚýĚý

Gyda 94% ohonom yn ailgylchu’n rheolaidd, mae Cymru’n genedl o Ailgylchwyr Gwych. Ni yw’r drydedd genedl orau yn y byd am ailgylchu, ac rydyn ni’n cefnogi Ymgyrch Gwych Cymru yn Ailgylchu i gyrraedd rhif un.

Yn draddodiadol, y Nadolig yw’r adeg o’r flwyddyn pan gaiff mwy o wastraff ei greu gartref. O’r holl fwyd ychwanegol rydyn ni’n ei brynu, i’r mynydd o ddeunydd pacio a ddaw yn sgil prynu anrhegion Nadolig, mae’n gyfle gwych i wneud yn siwr ein bod yn ailgylchu popeth posibl.

Dyna pam rydyn ni’n cefnogi’r ymgyrch Bydd Wych. Ailgylcha. gan Cymru yn Ailgylchu, a ariennir gan Lywodraeth Cymru, i annog pawb yng Nghymru i fod yn Ailgylchwyr Gwych y Nadolig hwn.

Dyma Aelod Cabinet Gwasanaethau Stryd Sir y Fflint, y Cynghorydd Glyn Banks, yn egluro:

“Mae dinasyddion Cymru’n dangos eu bod yn WYCH am ailgylchu, a dylem oll fod yn falch o’n hymdrechion, ond mae mwy y gallwn ei wneud o hyd. Rydyn ni’n galw ar einĚý preswylwyr i ddal ati gyda’r gwaith da dros y Nadolig a helpu i gael Cymru i Rif 1, yn enwedig gan mai ar yr adeg hon o’r flwyddyn rydyn ni’n defnyddio ac yn prynu llawer mwy nag arfer”.Ěý

“Gwyddom fod pobl yng Nghymru’n malio am ddiogelu ein gwlad hardd ac mae ailgylchu’n chwarae rhan allweddol mewn taclo newid hinsawdd. Dyma weithred syml y gall pawb ei gwneud i helpu i wneud gwahaniaeth go iawn”.

Dilynwch y cynghorion gwych hyn i fod yn Ailgylchwr Gwych y Nadolig hwn:Ěý

  • Bwytewch, ailgylchwch, byddwch lawen. Mae pob Cyngor yng Nghymru’n darparu gwasanaeth casglu ailgylchu gwastraff bwyd wythnosol. Defnyddiwch ef, da chi. Gellir ailgylchu esgyrn twrci, crafion llysiau ac unrhyw fwydydd dros ben na ellir eu bwyta’n ddiogel yn nes ymlaen! A daliwch ati i ailgylchu gwastraff bwyd arall dros gyfnod y Nadolig hefyd, fel bagiau te a gwaddodion coffi, plisg wyau, crafion a chreiddiau ffrwythau a hen fara.Ěý
  • Concrwch eich cardbord y Nadolig hwn. Gallwch ailgylchu’r holl gardbord a ddaw yn eich danfoniadau ar-lein. Tynnwch y tâp pacio a fflatio unrhyw focsys, neu gallwch eu torri’n ddarnau llai i arbed lle yn eich bag, bin neu focs ailgylchu. Ar Ă´l y Nadolig, ailgylchwch eich cardiau i gyd, ond cofiwch dynnu unrhyw fathodynnau, ffoil, llwch llachar neu rubanau’n gyntaf, gan na ellir ailgylchu’r darnau hyn.Ěý
  • Gellir ailgylchu’r rhan fwyaf o eitemau plastig a geir o amgylch y cartref, yn cynnwys poteli diodydd, poteli nwyddau glanhau, a photeli nwyddau ymolchi. Gwagiwch, rinsiwch a gwasgwch nhw cyn eu hailgylchu. Gadewch unrhyw gaeadau, labeli, pigau arllwys a chwistrelli arnynt, caiff y rhain eu tynnu yn ystod y broses ailgylchu. Gallwch hefyd ailgylchu’r tybiau plastig mawr o siocled a losin mae’r rhan fwyaf ohonom yn eu mwynhau dros y Nadolig!Ěý
  • Peidiwch anghofio ffoil y Nadolig hwn. Ailgylchwch eich casys mins peis ffoil gwag ac unrhyw ffoil a gafodd ei ddefnyddio i goginio dros y Nadolig, cyn belled â’i fod yn lân, heb staen a heb fwyd, saim neu olew arno. Rinsiwch dybiau a chynwysyddion ffoil cyn eu hailgylchu.
  • Gellir ailgylchu caniau bwyd a diod metel. Rhowch rinsiad sydyn i’r caniau’n gyntaf.
  • Mae papur lapio yn anodd ei ailgylchu, ond mae yna ddewisiadau amgen ecogyfeillgar i’w cael, fel papur brown a brethyn lapio, a gellir eu haddurno gyda rhubanau Nadoligaidd, a’r peth da amdanyn nhw yw y gellir eu defnyddio eto'r flwyddyn nesaf!

Os ydych chi’n ansicr o’r hyn y gallwch – ac na allwch – ei ailgylchu, gallwch ddefnyddio .Ěý

I ddysgu mwy am ffeithiau ac awgrymiadau ’12 dydd y Nadolig’ Cymru yn Ailgylchu, ewch draw i’r wefan neu ymunwch â’r sgwrs ar y cyfryngau cymdeithasol gan ddefnyddio #ByddWychAilgylcha a #ByddWychDrosYDolig.

Ěý